پشاور: خیبرپختونخوا کے مشیر خزانہ مزمل اسلم نے اتوار کو فیڈرل بورڈ آف ریونیو (ایف بی آر) کے چیئرمین کے ساتھ ٹیلی فونک بات چیت کی جس میں کے پی ریونیو اتھارٹی کے بقایا جات پر تبادلہ خیال کیا۔

ایک بیان میں مزمل اسلم نے کہا کہ ٹیلی فونک گفتگو خیبرپختونخوا ریونیو اتھارٹی کے بقایا جات کے لیے کی گئی ہے۔

انہوں نے مزید کہا کہ کراس ان پٹ ٹیکس ایڈجسٹمنٹ کی تفہیم پر ایف بی آر کے ساتھ ایک وفد جلد ملاقات کرے گا۔

انہوں نے کہا کہ 9.4 ارب روپے کا معاہدہ زیر التوا ہے جس میں سے 4.1 ارب روپے فروری 2024 میں موصول ہو چکے ہیں اور 5.3 ارب روپے ایف بی آر کے پاس مفاہمت اور تصفیہ کے لیے زیر التوا ہیں۔

انہوں نے کہا کہ ایف بی آر حکام کی مفاہمت کے لیے آئندہ ہفتے خیبرپختونخوا ریونیو اتھارٹی (کے پی آر اے) کے حکام سے ملاقات کا امکان ہے۔